(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 136

॥ శ్రీః ॥
1.136. అధ్యాయః 136
Mahabharata - Adi Parva - Chapter Topics
పాండోరస్థిసంస్కారాద్యంత్యేష్టివిధిః॥ 1 ॥
Mahabharata - Adi Parva - Chapter Text
ధృతరాష్ట్ర ఉవాచ। 1-136-0x(813)(6095)
పాండోర్విదుర సర్వాణి ప్రేతకార్యాణి కారయ।
రాజవద్రాజసింహస్య మాద్ర్యాశ్చైవ విశేషతః॥ 1-136-1(6096)
పశూన్వాసాంసి రత్నాని ధనాని వివిధాని చ।
పాండోః ప్రయచ్ఛ మాద్ర్యాశ్చ యేభ్యో యావచ్చ వాంఛితం॥ 1-136-2(6097)
యథా చ కుంతీ సత్కారం కుర్యాన్మాద్ర్యాస్తథా కురు।
యథా న వాయుర్నాదిత్యః పశ్యేతాం తాం సుసంవృతాం॥ 1-136-3(6098)
న శోచ్యః పాండురనఘః ప్రశస్యః స నరాధిపః।
యస్య పంచ సుతా వీరా జాతాః సురసుతోపమాః॥ 1-136-4(6099)
వైశంపాయన ఉవాచ। 1-136-5x(814)
విదురస్తం తథేత్యుక్త్వా భీష్మేణ సహ భారత।
పాండుం సంస్కారయామాస దేశే పరమపూజితే॥ 1-136-5(6100)
తతస్తు నగరాత్తూర్ణమాజ్యగంధపురస్కృతాః।
నిర్హృతాః పావకా దీప్తాః పాండో రాజన్పురోహితైః॥ 1-136-6(6101)
అథైనామార్తవైః పుష్పైర్గంధైశ్చ వివిధైర్వరైః।
శిబికాం తామలంకృత్య వాససాఽఽచ్ఛాద్య సర్వశః॥ 1-136-7(6102)
తాం తథా శోభితాం మాల్యైర్వాసోభిశ్చ మహాధనైః।
అమాత్యా జ్ఞాతయశ్చైనం సుహృదశ్చోపతస్థిరే॥ 1-136-8(6103)
నృసింహం నరయుక్తేన పరమాలంకృతేన తం।
అవహన్ యానముఖ్యేన సహ మాద్ర్యా సుసంవృతం॥ 1-136-9(6104)
పాండురేణాతపత్రేణ చామరవ్యజనేన చ।
సర్వవాదిత్రనాదైశ్చ సమలంచక్రిరే తతః॥ 1-136-10(6105)
రత్నాని చాప్యుపాదాయ బహూని శతశో నరాః।
ప్రదదుః కాంక్షమాణేభ్యః పాండోస్తస్యౌర్ధ్వదేహికే॥ 1-136-11(6106)
అథ చ్ఛత్రాణి శుభ్రాణి చామరాణి బృహంతి చ।
ఆజహ్రుః కౌరవస్యార్థే వాసాంసి రుచిరాణి చ॥ 1-136-12(6107)
యాజకైః శుక్లవాసోభిర్హూయమానా హుతాశనాః।
అగచ్ఛన్నగ్రతస్తస్య దీప్యమానాః స్వలంకృతాః॥ 1-136-13(6108)
బ్రాహ్మణాః క్షత్రియా వైశ్యాః శూద్రాశ్చైవ సహస్రశః।
రుదంతః శోకసంతప్తా అనుజగ్ముర్నరాధిపం॥ 1-136-14(6109)
అయమస్మానపాహాయ దుఃఖే చాధాయ శాశ్వతే।
కృత్వా చాస్మాననాథాంశ్చ క్వ యాస్యతి నరాధిపః॥ 1-136-15(6110)
క్రోశంతః పాండవాః సర్వే భీష్మో విదుర ఏవ చ।
`బాహ్లీకః సోమదత్తశ్చ తథా భూరిశ్రవా నృపః॥ 1-136-16(6111)
అన్యోన్యం వై సమాశ్లిష్య అనుజగ్ముః సహస్రశః।'
రమణీయే వనోద్దేశే గంగాతీరే సమే శుభే॥ 1-136-17(6112)
న్యాసయామాసురథం తాం శిబికాం సత్యవాదినః।
సభార్యస్య నృసింహస్య పాండోరక్లిష్టకర్మణః॥ 1-136-18(6113)
తతస్తస్య శరీరం తు సర్వగంధాధివాసితం।
శుచికాలీయకాదిగ్ధం దివ్యచందనరూషితం॥ 1-136-19(6114)
పర్యషించంజలేనాశు శాతకుంభమయైర్ఘటైః।
చందనేన చ శుక్లేన సర్వతః సమలేపయన్॥ 1-136-20(6115)
కాలాగురువిమిశ్రేణ తథా తుంగరసేన చ।
అథైనం దేశజైః శుక్లైర్వాసోభిః సమయోజయన్॥ 1-136-21(6116)
సంఛన్నః స తు వాసోభిర్జీవన్నివ నరాధిపః।
శుశుభే స నవ్యాఘ్రో మహార్హశయనోచితః॥ 1-136-22(6117)
`హయమేధాగ్నినా సర్వే యాజకాః సపురోహితాః।
వేదోక్తేన విధానేన క్రియాంచక్రుః సమంత్రకం॥' 1-136-23(6118)
యాజకైరభ్యనుజ్ఞాతే ప్రేతకర్మణ్యనిష్ఠితే।
ఘృతావసిక్తం రాజానం సహ మాద్ర్యా స్వలంకృతం॥ 1-136-24(6119)
తుంగపద్మకమిశ్రేణ చందనేన సుగంధినా।
`సరలం దేవదారుం చ గుగ్గులం లాక్షయా సహ॥ 1-136-25(6120)
హరిచందనకాష్ఠైశ్చ హరిబేరైరుశీరకైః।'
అన్యైశ్చ వివిధైర్గంధైర్విధినా సమదాహయన్॥ 1-136-26(6121)
తతస్తయోః శరీరే ద్వే దృష్ట్వా మోహవశం గతా।
హాహా పుత్రేతి కౌసల్యా పపాత సహసా భువి॥ 1-136-27(6122)
తాం ప్రేక్ష్య పతితామార్తాం పౌరజానపదో జనః।
రురోద దుఃఖసంతప్తో రాజభక్త్యా కృపాఽన్వితః॥ 1-136-28(6123)
కుంత్యాశ్చైవార్తనాదేన సర్వాణి చ విచుక్రుశుః।
మానుషైః సహ భూతాని తిర్యగ్యోనిగతాన్యపి॥ 1-136-29(6124)
తథా భీష్మః శాంతనవో విదురశ్చ మహామతిః।
సర్వశః కౌరవాశ్చైవ ప్రాణదన్భృశదుఃఖితాః॥ 1-136-30(6125)
తతో భీష్మోఽథ విదురో రాజా చ సహ పాండవైః।
ఉదకం చక్రిరే తస్య సర్వాశ్చ కురుయోషితః॥ 1-136-31(6126)
చుక్రుశుః పాండవాః సర్వే భీష్మః శాంతనవస్తథా।
విదురో జ్ఞాతయశ్చైవ చక్రుశ్చాప్యుదకక్రియాః॥ 1-136-32(6127)
కృతోదకాంస్తానాదాయ పాండవాంఛోకకర్శితాన్।
సర్వాః ప్రకృతయో రాజఞ్శోచమానా న్యవారయన్॥ 1-136-33(6128)
యథైవ పాండవా భూమౌ సుషుపుః సహ బాంధవైః।
తథైవ నాగరా రాజఞ్శిశ్యిరే బ్రాహ్మణాదయః॥ 1-136-34(6129)
తద్గతానందమస్వస్థమాకుమారమహృష్టవత్।
బభూవ పాండవైః సార్ధం నగరం ద్వాదశ క్షపాః॥ ॥ 1-136-35(6130)

ఇతి శ్రీమన్మహాభారతే ఆదిపర్వణి సంభవపర్వణి షట్త్రింశదధికశతతమోఽధ్యాయః॥ 136 ॥

Mahabharata - Adi Parva - Chapter Footnotes
1-136-19 కాలీయకాదిగ్ధం కృష్ణాగురులిప్తం॥
1-136-25 తుంగపద్మకౌ గంధద్రవ్యవిశేషౌ॥
షట్త్రింశదధికశతతమోఽధ్యాయః॥ 136 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.